Bosh rejani buzib qurilish uchun javobgarlik kuchaytiriladi

Parlamentda noqonuniy va oʻzboshimchalik bilan qurilish uchun javobgarlikni kuchaytirish muhokama qilinmoqda. 12-avgust kuni deputatlar hududlarni rivojlantirish bosh rejasini buzib qurilgan obyektlar uchun jazoni oshirishni tavsiya qilishdi.

Oʻzgartirishlar Shaharsozlik kodeksi hamda «Litsenziyalash, ruxsat berish va xabardor qilish tartib-taomillari toʻgʻrisida»gi qonunga kiritiladi. Gap qonuniy asossiz qurilish, shuningdek bosh reja, master-reja va tasdiqlangan loyiha hujjatlaridan chetga chiqib olib borilgan ishlar haqida bormoqda.

Inspeksiya ruxsatisiz koʻp kvartirali uy qurish fuqarolarga 400 BHM, mansabdor shaxslarga 450 BHM jarima bilan tugaydi, takroriy qoidabuzarlik uchun esa jinoiy javobgarlik joriy etiladi. Avvalroq parlament foydalanishga topshirilmagan uylarga odamlarni joylashtirish uchun jinoiy javobgarlikni maʼqullagan edi. Faqat 2025-yilning oʻzida mamlakatda 1952 ta noqonuniy qurilish aniqlangan.

Quruvchilar va mulkdorlar hujjatlarini oldindan tartibga keltirgani maʼqul. Legal Alliance qurilish loyihalarini ruxsatnomalardan tortib inspeksiya bilan nizolargacha kuzatib boradi.